ერნესტო ვალვერდეს ახალი ტაქტიკა

ერნესტო ვალვერდემ "ლეგანესთან" მატჩში უჩვეულო ტაქტიკა, 4-2-3-1 გამოიყენა. 

ძირითად შემადგენლობაში "ბარსელონას" დაცვის ხაზს ჟუნიორ ფირპო, სამუელ უმტიტი, ჟერარ პიკე და მუსა ვაგე აკომპლექტებდნენ, ხოლო ნახევარდაცვაში სერხიო ბუსკეტსი და ფრენკი დე იონგი იდგნენ. 

ლუის სუარესი გამოკვეთილი ცენტრფორვარდი იყო, მათ უკან კი შემტევი სამეული მოქმედებდა: ანტუან გრიზმანი და უსმან დემბელე ფლანგებზე, ცენტრში კი ლეო მესი. 

ტაქტიკის ცვლილებამ არ გაამართლა, რადგან ლა ლიგის აუტსაიდერთან გამარჯვების მიუხედავად, "ბარსამ" წინა მატჩებზე უკეთესი თამაში ვერ აჩვენა.