მეკარეები, რომლებმაც მესის თერთმეტმეტრიანი მოიგერიეს

“ბარსელონას” ვარსკვლავმა, ლიონელ მესიმ, კარიერის განმავლობაში 26 თერთმეტმეტრიანი გააცუდა. არგენტინელის დარტყმული, 20 შემთხვევაში, უშუალოდ მეკარეებმა მოიგერიეს.

Tribuna, Transfermakrt-ზე დაყრდნობით, გვთავაზობს ჩამონათვალს იმ მეკარეებისა, რომლებმაც ლეო მესის პენალტი აუღეს. ესენი არიან: ალისონ ბეკერი, ჟორდი მასიპი, ჰანს ჰალდორსონი, დიეგო ლოპესი (2-ჯერ), რუბენ მარტინესი, ფერნანდო პაჩეკო, იოელ როდრიგესი, ვისენტე გუაიტა, გორკა ირაისოსი, ჯო ჰარტი, იან ობლაკი, ჟეფერსონი, ანტონიო ადანი, მარკ-ანდრე ტერ შტეგენი, დიეგო ალვესი, ხავი ვარასი, ალექსანდრო ტზორვასი, ასიერ რიესგო და ხუან კარლოს კაბალიერო.

ამ ჩამონათვალში კატალონიური კლუბისთვის კარგად ცნობილი სახეებიც გამოერევიან. მასიპი “ბარსას” ყოფილი კარის დარაჯია, ტერ შტეგენი კი – ახლანდელი.

ჩამოთვლილ მეკარეებს შორის, ალბათ, ყველაზე იღბლიანი დიეგო ლოპესია, რომელმაც ლეო მესის თერთმეტმეტრიანის მოგერიება 2-ჯერ მოახერხა.

ლიონელ მესის სულ 117 პენალტი დაურტყმს, რომელთაგან მსოფლიოს საუკეთესო ფეხბურთელმა ბურთი ბადეში 91-ჯერ გაახვია.