პედრიმ, შესაძლოა, მომდევნო სეზონი “ბაიერნში” გაატაროს

17 წლის ნახევარმცველი, პედრი, “ლას პალმასს” უკვე დაემშვიდობა – ესპანელი მოთამაშე მალე “ბარსელონას” ოფიციალურად შეუერთდება. 

მიუხედავად იმისა, რომ პედრი ერთ-ერთ ყველაზე პერსპექტიულ ნახევარმცველადაა მიჩნეული, ძნელი წარმოსადგენია, რომ მან მომდევნო სეზონში საკმარისი სათამაშო დრო მიიღოს. 

იმისთვის, რომ ფეხბურთელის განვითარების პროცესი არ შეჩერდეს, “ბარსელონაში” მის განათხოვრებას არ გამორიცხავენ. El Chiringuito-ს ინფორმაციით პედრის დამატების სურვილი ორმა გერმანულმა კლუბმა უკვე გამოთქვა: საუბარია მიუნხენის “ბაიერნსა” და მიონხენგლადბახის “ბორუსიაზე”. მოსალოდნელია, რომ “ბაიერნი” განსაკუთრებით იაქტიურებს, რადგან, შესაძლოა, მათი შემადგენლობა ფილიპე კოუტინიოსა და ტიაგო ალკანტარას გარეშე დარჩეს. 

Mundo Deportivo-ს ცნობით, “ბარსელონა” “ბაიერნის” შემოთავაზებით დიდად მოხიბლული არ არის, ამის მიზეზი კი “რეკორდმაისტერის” შემადგენლობაა, რომელშიც პედრის “ბარსაზე” ნაკლები კონკურენტი ნამდვილად არ ეყოლება.