“ბარსელონას” ყოფილი შემტევი ნახევარმცველი და “სელტას” ამჟამინდელი მთავარი მწვრთნელი, ოსკარ გარსია Marca-სთან საუბარში ლეო მესისა და რონალდო ნაზარიოს აფასებს.
“იღბლიანი ვარ, რადგან შესაძლებლობა მქონდა, ბრაზილიელის გოლები და ძალიან სწრაფი მოძრაობები ახლოდან მენახა. რონალდოს შეჩერება ურთულესი იყო. პირველივე სავარჯიშო სესიაზე მივხვდით, რომ ის განსხვავებული მოთამაშეა, რომელიც ძალიან დაგვეხმარებოდა.
ვიცოდით, რომ ნაზარიო მსოფლიო ვარსკვლავი გახდებოდა. ჩვენს ყურადღებას ყველაზე მეტად მისი თავმდაბლობა იქცევდა. “ელ ფენომენო” ყველას ერთნაირად ეპყრობოდა, იცინოდა და ხუმრობდა.
მესის გამოჩენამდე, ისეთი ფეხბურთელი არასდროს მინახავს, რომელსაც ბურთის ტარება ასე სწრაფად შეეძლო. ეს მხოლოდ ლეოსა და რონალდოს შეუძლიათ”, – ციტირებს გარსიას სიტყვებს Goal.
ლეგენდარული ბრაზილიელი კატალონიურ გრანდში 1996-1997 წლებში ასპარეზობდა, ხოლო ოსკარ გარსია კი “ბარსაში” 1993-1999 წლების სეზონში ირიცხებოდა. ასევე, კატალონიელი 2010-2012 წლებში “ბლაუგრანას” ახალგაზრდულ გუნდს წვრთნიდა.
მე რო ეგ დავწერე ვიღაცამ, მაგრად ღადაობ-ო. არადა ხო ფაქტია.
ფენომენი სხვა დონეა,მაგრამ მესის ვერც ეგ შეედრება.
მესის ნუნადარებთ ნურავია სხვებზე ერთი თავით მაღლა დგას