“კამპ ნოუზე” “ბარსელონას” გულშემატკივრების ფოტოებს აჩვენებენ

მიუხედავად იმისა, რომ ესპანეთის ჩემპიონატის სეზონის დარჩენილი მატჩები მაყურებლების დასწრების გარეშე ჩატარდება, “კამპ ნოუზე” “ბარსელონას” მოთამაშეები გულშემატკივრების მხარდაჭერას მაინც მიიღებენ.

“ბარსელონასა” და კლუბის ამბასადორ CUPRA-ს ახალი ერთობლივი კამპანიით, რომლის სახელწოდებაა “მოვიგოთ ეს მატჩი ერთად”, თამაშების მიმდინარეობისას, დიდ ეკრანზე გუნდის ქომაგების ფოტოებს აჩვენებენ. 

CUPRA-ს ვებგვერდის მეშვეობით, ფანებს “ბარსელონასთვის” თავიანთი ფოტოების გაგზავნა უკვე შეუძლიათ. 

“კამპ ნოუზე” გულშემატკივრების მხარდაჭერა ყოველთვის ძალიან მნიშვნელოვანია, ეს ინიციატივა კი საშუალებას გვაძლევს, მათი იქ ყოფნა ვიგრძნოთ. 

ჩვენ გვინდა, რომ შევქმნათ ატმოსფერო, რომელიც, საშინაო შეხვედრებში, გამარჯვებაში დაგვეხმარება”. – აცხადებს “ბარსას” მეკარე, მარკ-ანდრე ტერ შტეგენი ვებგვერდთან ინტერვიუში.

შენი ფოტოს გაგზავნა ამ გვერდიდან შეგიძლია. ამისთვის საჭიროა: ფოტოზე იყო “ბარსელონას” რაიმე ატრიბუტიკით; ფოტო გადაიღო თეთრ ფონზე; ფოტოზე ჩანდეს შენი სხეულის ზედა ნაწილი.