“ნაპოლიმ”, სოციალური ქსელის მეშვეობით, “ბარსელონას” საკუთრებაში მყოფ მარკ კუკურელიასთან დაკავშირებით მედიაში გავრცელებული ჭორები ოფიციალურად უარყო.
კერძოდ, გასულ კვირაში, “ხეტაფეს” პრეზიდენტმა, ანხელ ტორესმა, განაცხადა, რომ “ნაპოლის” კუკურელიას შეძენა სურს და იტალიური კლუბის პრეზიდენტი, აურელიო დე ლაურენტისი, მას “სამ დღეში ერთხელ” ურეკავს. მის სიტყვებს Marca ციტირებს.
თუმცა “ნაპოლიმ” ტვიტერის საშუალებით გავრცელებული ინფორმაცია უარყო:
“ეს სიცრუეა, ყალბი ცნობა. დე ლაურენტისმა არც კი იცის, თუ ვინ არის “ხეტაფეს” პრეზიდენტი და მასთან კუკურელიას შესახებ არასდროს უსაუბრია”.
È una bufala, una Fake News. De Laurentiis non sa nemmeno chi sia il Presidente del Getafe e non ha mai parlato con i suoi collaboratori di questo Cucurella. #ForzaNapoliSempre
— Official SSC Napoli (@sscnapoli) May 8, 2020
მარკ კუკურელია “ხეტაფეში” იჯარის წესით თამაშობს. მადრიდიელებს მისი 6 მილიონ ევროდ გამოსყიდვის უფლება აქვთ, რაც “ბარსელონასთვის” ფეხბურთელზე უფლებების დაკარგვას ნიშნავს. ასეთ შემთხვევაში, კატალონიელები კუკურელიას მომდევნო ტრანსფერიდან 40%-ს მიიღებენ.
