ფეხბურთელთა თერთმეტეული, რომელთა შეძენაც “ბარსას” უფასოდ შეუძლია

კორონავირუსის პანდემიის მიერ მიყენებული ზარალის ფონზე, კატალონიის “ბარსელონას” (არამატო მას) მომავალ სატრანსფერო ფანჯარაზე აქტიურობა და დიდი თანხების დახარჯვა გაუჭირდება. შესაბამისად, “ბლაუგრანამ” თავისუფალი აგენტების ბაზარს დიდი ყურადღება უნდა მიაქციოს, რადგან ზაფხულში კონტრაქტი არაერთ ცნობილ მოთამაშეს ეწურება.

Tribuna.com გვთავაზობს იმ ფეხბურთელთა სიმბოლურ ნაკრებს, რომელთა შეძენაც “ბარსას” უფასოდ შეუძლია. თუმცა, გამოცემამ მათ სატრანსფერო ღირებულებებიც მიუთითა.

მეკარე: ვოლტერ დანიელ ბენიტესი (“ნიცა”, არგენტინა, 8 მილიონი ევრო);

მცველები: ტომას მუნიე (პსჟ, ბელგია, 24 მილიონი ევრო), ტანგი კუასი (პსჟ, საფრანგეთი, 11 მილიონი ევრო), იან ვერტონგენი (“ტოტენჰემი”, ბელგია, 14.5 მილიონი ევრო), ლაივინ კურზავა (პსჟ, საფრანგეთი, 12 მილიონი ევრო);

ნახევარმცველები: ვილიანი (“ჩელსი”, ბრაზილია, 22.5 მილიონი ევრო), დავიდ სილვა (“მანჩესტერ სიტი”, ესპანეთი, 12 მილიონი ევრო), ჩარლზ არანგისი (“ლევერკუზენი”, ჩილე, 12 მილიონი ევრო), რაიან ფრეიზერი (“ბორნმუთი”, შოტლანდია, 12 მილიონი ევრო);

თავდამსხმელები: ედინსონ კავანი (პსჟ, ურუგვაი, 20 მილიონი ევრო), დრის მერტენსი (“ნაპოლი”, ბელგია, 20 მილიონი ევრო).

სათადარიგოთა სკამი: არტიომ ძიუბა (“ზენიტი”, რუსეთი, 13 მილიონი ევრო), ბენჟამინ სტამბული (“შალკე”, საფრანგეთი, 9.5 მილიონი ევრო), ხოსე კალეხონი (“ნაპოლი”, ესპანეთი, 9.5 მილიონი ევრო), ჯეფ ჰენდრიკი (“ბარნლი”, ირლანდია, 9 მილიონი ევრო), ჯონ ლანდსტრამი (“შეფილდ იუნაიტედი”, ინგლისი, 8 მილიონი ევრო), ჯენიკ ჰაბერერი (“ფრაიბურგი”, გერმანია, 8 მილიონი ევრო).