“ბარსას” იდეალური თერთმეტეული საქველმოქმედო “ელ კლასიკოსთვის”

იკერ კასილიასმა, ახლახანს, საქველმოქმედო “ელ კლასიკოს” ჩატარების იდეა გააჟღერა, სადაც მადრიდული და კატალონიური კლუბის 2000-იანი წლების ლეგენდები მიიღებენ მონაწილეობას. “ბარსელონას” შესაძლო თერთმეტეული შემდეგნაირად თუ დაკომპლექტდება, ნამდვილად შთამბეჭდავი სანახაობის მომსწრენი გავხდებით:

ვიქტორ ვალდესი – შიდა მიზეზების გამო კლუბისგან ოდნავ მივიწყებულ მეკარეს, ამ მატჩით “ბლაუგრანას” რიგებში იდეალური დაბრუნება გამოუვა.

ერიკ აბიდალი – კლუბის სპორტული დირექტორი ერნესტო ვალვერდეს გათავისუფლებაზე გაკეთებული კომენტარების გამო მწვავედ გააკრიტიკეს, თუმცა მისი მოედანზე ხილვა ქომაგისათვის მაინც სასურველი იქნება.

კარლეს პუიოლი – ნამდვილი კაპიტანი. მის გარეშე “ელ კლასიკოს” წარმოდგენა რთული იქნება.

რაფა მარკესი – მექსიკელმა კატალონიელების რიგებში 7 წელი ირიცხებოდა, ამ დროის განმავლობაში მას დაცვის ცენტრში თამაში კარლეს პუიოლთან ერთად უწევდა.

ჟულიანო ბელეტი – ბრაზილიელი ახალახანს გახდა “ბარსას” სპორტული ელჩი. დაცვის მარჯვენა ფლანგზე სოლიდური თამაშისა და 2006 წლის ჩემპიონთა ლიგის ფინალში განსაკუთრებული გოლის გამო, მას თერთმეტეულში ადგილი ნამდვილად ეკუთვნის.

ჩავი ერნანდესი – კლუბის ლეგენდამ, მწვრთნელის პოსტზე იანვარში უარი განაცხადა. ამ თამაშში მისი მონაწილეობა კი ნამდვილად სურს “გულშემატკივარს”.

ანდრეს ინიესტა – “ჩავიესტას” ტანდემი ნახევარდაცვის ცენტრში, რა თქმა უნდა, კატალონიელების თერთმეტეულს უნდა ამშვენებდეს.

დეკუ – პორტუგალიელი ნამდვილად დაეხმარება შემტევ ტრიოს და საჭირო პასებით მოამარაგებს. მას კარიერის განმავლობაში მადრიდის “რეალის” წინააღმდეგ ჩატარებულ 12 შეხვედრაში 6 საგოლე გადაცემა აქვს შესრულებული.

რივალდო – ბრაზილიელმა  ლეგენდამ ამ დღეებში “ბარსას” შესახებ ვრცლად ისაუბრა. მან კლუბის მიმართ თავდადება საფეხბურთო მინდორზე კიდევ ერთხელ უნდა დაამტკიცოს.

პატრიკ კლუივერტი – პატრიკისთვის მოედანზე გასვლა რთული არ იქნება. მას უბრალოდ საყვარელი მაისურის ჩაცმა და ოფისის დატოვება მოუწევს.

სამუელ ეტოო – კამერუნელი ფორვარდი გატანილი გოლებით თავს აუცილებლად გამოიჩენს.

რონალდინიო სამწუხაროდ ამ თერთმეტეულში ვერ მოხვდება, რადგანაც მან წინასაპატიმრო დაწესებულებაში 6 თვე უნდა გაატაროს. სხვა შემთხვევაში მის გარეშე თერთმეტეული წარმოუდგენელი იქნებოდა.