რაკიტიჩი: "ველი, როდის მეტყვიან, რომ ვრჩები"
ხორვატიის ეროვნული ნაკრების მოთამაშე თავის მომავალთან დაკავშირებით კომენტარს აკეთებს.
მოგეხსენებათ, ვრცელდება ინფორმაცია, რომ შესაძლოა, მომავალი ზაფხულის სატრანსფერო ფანჯრის პერიოდში ივან რაკიტიჩმა "ბარსელონას" შემადგენლობა დატოვოს. დღეს 31 წლის ნახევარმცველმა "ნოუ კამპზე" დარჩენის სურვილი გამოთქვა.
"არ მინდა, რომ სხვა გუნდის მაისურით ვითამაშო. ვიმედოვნებ, კლუბის პრეზიდენტი, მწვრთნელი და გულშემატკივრები სიტუაციას ისევე ხედავენ, როგორც მე," - ამბობს რაკიტიჩი.
"ველოდები მომენტს, როდესაც დამირეკავენ და მეტყვიან, რომ "ბარსელონაში" კიდევ სამი წლით ვრჩები. კატალონიაში ბედნიერი ვარ და მინდა, აქ კიდევ დიდი ხნით ვიყო", - განაცხადა ხორვატმა.
აღსანიშნავია, რომ მიმდინარე სეზონში, ყველა ტურნირში ერთად, რაკიტიჩმა 50 შეხვედრაში მიიღო მონაწილეობა. საშუალოდ, მინდორზე იგი 78 წუთს ატარებს. წელს ივანი 5 გოლითა და 9 საგოლე გადაცემით გამოირჩა.
ამ სიახლეზე კომენტარები გათიშულია.
კომენტარები [ 9 ]