გავრცელდა ინფორმაცია, რომ “ბარსელონას” ყოფილი ფეხბურთელი, პედრო როდრიგესი მიმდინარე სეზონის შემდეგ ლონდონის “ჩელსის” დატოვებს.
La Gazzetta dello Sport-ის ცნობით, ესპანელმა კარიერა, შესაძლოა, “ლაციოში” გააგრძელოს. წყაროს დასძენს, რომ რომაული კლუბი “ლურჯების” კიდევ ერთი ფეხბურთელით, ოლივიე ჟირუთი ინტერესდება.
პედროს “ჩელსისთან” ამჟამინდელი კონტრაქტი მომავალ ზაფხულს ეწურება. ფეხბურთელმა “ბარსაში” დაბრუნების სურვილი უკვე გამოთქვა.
როდრიგესი “ბარსელონას” პირველ გუნდში 2008-2015 წლებში ასპარეზობდა. კატალონიურ გრანდთან ერთად პედრომ ლა ლიგა 5-ჯერ, ხოლო ჩემპიონთა ლიგა 3-ჯერ მოიგო.
პედრიტო მაგარი კაცია, სუარესის არ ყოფნაში ძაან საჭირო იქნებოდა…