პიკე: "პსჟ"-მ აქ უფრო დამაჯერებლად მოიგო, მაგრამ სად არიან ისინი ახლა?"
კატალონიის "ბარსელონას" ესპანელმა მცველმა, ჟერარ პიკემ, "მანჩესტერ იუნაიტედთან" გამარჯვების შემდეგ (0:1), კომენტარი გააკეთა.
"ამ დიდებულ სტადიონზე თამაში ძალიან რთულია. გულშემატკივრები საკმაოდ მიმზიდველები არიან და "მანჩესტერიც" შესანიშნავი კლუბია. აქ გამარჯვება ყოველთვის რთულია.
პირველ ტაიმში მცირე პრობლემები გვქონდა, თუმცა დაცვაში ზუსტად ვთამაშობდით. ჩვენ გამოვიყენეთ ის უპირატესობა, რომელიც გაგვაჩნდა. ყველაფერი დეტალებმა გადაწყვიტა. გოლმა დაგვამშვიდა? ჩვენ ვიცოდით, თუ როგორ უნდა გვეთამაშა.
ვართ თუ არა ფავორიტები? მას შემდეგ, რაც "პსჟ"-ს შეემთხვა, გადაჭრით ვერაფერს ვიტყვით. მათ გაცილებით უკეთესი შედეგი დააფიქსირეს - და შეხედეთ, სად არიან ისინი ახლა? - "მანჩესტერ იუნაიტედი" დიდებული კლუბია, რომელსაც ყველაფრის შემობრუნება შეუძლია, თუმცა ჩვენი გულშემატკივრები ძალიან დაგვეხმარებიან.
ჩემთვის აქ მოსვლა განსაკუთრებულია. ახლა მცველისთვის საუკეთესო ასაკში ვარ. ასაკის და გამოცდილების ფონზე, თავს ძალიან კარგად ვგრძნობ." - განაცხადა, პიკემ.
ამ სიახლეზე კომენტარები გათიშულია.
კომენტარები [ 22 ]