მალკომი: "რეალთან" გატანილ გოლს 100-ჯერ ვუყურე

"ელ კლასიკოს" მოულოდნელი გმირი, მალკომი, რომელიც "რეალთან" მატჩის ძირითად შემადგენლობაში მესის ტრავმის გამო მოხვდა, აცხადებს, რომ შეხვედრაში გატანილ გოლს, რომლითაც ანგარიში გათანაბრდა, ხელახლა არაეთხელ უყურა. 

"მატჩის დაწყებამდე ცოტა ხნით ადრე გავიგე, რომ უნდა მეთამაშა. გამიკვირდა, მაგრამ მზად ვიყავი. 

მესიმ მითხრა, რომ სიმშვიდე შემენარჩუნებინა. 

ჩემს შვილებს და შვილიშვილებს ვეტყვი, რომ საუკეთესო ფეხბურთელთან ვთამაშობდი. 

მიუხედავად იმისა, რომ გამარჯვება ვერ მოვიპოვეთ, თამაშით ძალიან კმაყოფილი ვარ. ფინალში გასვლას "სანტიაგო ბერნაბეუზე" გავინაღდებთ. ჩემი გოლი ალბათ უკვე 100-ჯერ ვნახე. 

"ბარსელონაში" წარმატების მიღწევა მინდა და ვაპირებ, გუნდს ყველაფრით დავეხმარო". - ციტირებს ბრაზილიელი თავდამსხმელის სიტყვებს Marca.