ტერ შტეგენის მოგონებები პირველ “ელ კლასიკოზე”

მარკ-ანდრე ტერ შტეგენი “ელ კლასიკოში” “ბარსელონას” ერთ-ერთი მთავარი იარაღი იქნება. გერმანელს მადრიდული კლუბის წინააღმდეგ საკმაო გამოცდილება აქვს, თუმცა ახლაც ემოციებით იხსენებს იმ დღეს, როდესაც “ბარსელონასა” და “რეალის” დაპირისპირებას პირველად უყურა.

“15-ის ან 16 წლის ვიქნებოდი, როდესაც გადავწყვიტე, რომ თუ რომელიმე მხარე უნდა ამერჩია, ეს “ბარსელონა” იქნებოდა. ამ ასაკში არ ფიქრობ რამდენად მართებულია შენი არჩევანი, თუმცა “ბალუგრანას” ფილოსოფია ყოველთვის დიდი ინტერესს იწვევდა ჩემში. როდესაც უშუალოდ პროცესის მონაწილე ხარ, მხოლოდ მაშინ აცნობიერებ, რას ნიშნავს ეს რეალურად.”

ტერ შტეგენს “ბარსელონაში” გადმოსვლისთანავე პირველ “კლასიკოში” მონაწილეობა არ მიუღია, რადგან სათადარიგოთა მეკარედ განიხილებოდა, პირველ ნომრად კი კლაუდიო ბრავო იყო მიჩნეული.

“ჩემს პირველ “კლასიკოში” არ მითამაშია. ცოტათი გაბრაზებულიც ვიყავი, რადგან მინდოდა ყველა თამაშში მიმეღო მონაწილეობა.” – ციტირებს შტეგენის სიტყვებს Sport.