ლიონი-ბარსელონა - ურთიერთშეხვედრების ისტორია
რამდენიმე წუთის წინ დასრულდა ჩემპიონთა ლიგის 1/8-ფინალური ეტაპის წილისყრა, რომელმაც "ბარსელონას" ფრანგული "ლიონი" შეახვედრა.
ისტორიის გათვალისწინებით, "ლიონი", "ბარსელონასთვის", იოლი მეტოქეა. ესპანელებს ფრანგებთან წაგება არ აქვთ. ჩატარებული 6 თამაშიდან 4 "ბარსას" მოგებით დასრულდა.
გუნდების პირველი ორი შეხვედრა 2001 წელს, ჩემპიონთა ლიგის ჯგუფურ ეტაპზე გაიმართა. "კამპ ნოუზე" კატალონიელებმა, კლუივერტისა და რივალდოს გოლებით, 2:0 მოიგეს. საფრანგეთში "ბარსამ" 3:2 მოიგო. გოლები კლუივერტმა, რივალდომ და ხერარდმა გაიტანეს.
2007 წელს, გუნდები ერთანეთს ისევ ლიგის ჯგუფურ ეტაპზე დაუპირისპირდნენ. პირველი შეხვედრა, რომელიც ესპანეთში გაიმართა, მასპინძლებმა 3:0 მოიგეს. თითო გოლი მესიმ და ანრიმ გაიტანეს, ხოლო კლერკმა ბურთი საკუთარ კარში ჩაჭრა. საფრანგეთში გამართული მატი 2:2 დასრულდა. სტუმართაგან თავი ინიესტამ და მესიმ გამოიჩინეს.
2009 წელს, "ლიონი" და "ბარსელონა" ერთანეთს 1/8-ფინალში დაუპირისპირდნენ. "სტად ჟერლანზე" გუნდებმა 1:1 ითამაშეს. სტუმართაგან თავი ტიერი ანრიმ გამოიჩინა. დღევანდელი გუნდიდან იმ მატჩში მონაწილეობა პიკემ, ბუსკეტსმა და მესიმ მიიღეს.
განმეორებით მატჩში "ბარსამ" მეტოქე 5:2 გაანადგურა. ანრიმ დუბლი შეასრულა, ხოლო მესიმ და ეტოომ თითო გოლი გაიტენეს. მესის გარდა, მოედანზე ვიხილეთ პიკეც, ბუსკეტსი კი სათადარიგო იყო.
ამ სიახლეზე კომენტარები გათიშულია.
კომენტარები [ 7 ]