“ბარსას” ყოფილმა ფეხბურთელმა საშინელი ტრავმა მიიღო

“ბარსელონას” ყოფილმა ფეხბურთელმა, ამჟამად “ევერტონში” მოთამაშე ანდრე გომეშმა, დღეს გამართულ შეხვედრაში საშინელი ტრავმა მიიღო.

“ევერტონსა” და “ტოტენჰემს” შორის გამართული მატჩის დასრულებამდე დაახლოებით 10 წუთი რჩებოდა, როდესაც სტუმართა შემტევმა, სონმა, 26 წლის პორტუგალიელის წინააღმდეგ ძალიან უხეშად ითამაშა. შემდეგ, გომეში სერჟ ორიესაც შეეჯახა და საბოლოოდ მან ფეხი მოიტეხა. “ბარსას” ყოფილი ფეხბურთელის ტრავმა იმდენად სერიოზულია, რომ მისი მოტეხილობა ერთი შეხედვითაც კი მარტივად ჩანდა.

ტრავმის სიმძიმიდან გამომდინარე, გომეშის დაზიანების არც ფოტო და მითუმეტეს არც ვიდეომასალას არ გიჩვენებთ. გთავაზობთ მხოლოდ მომხდარში დამნაშავის, სონის რეაქციის სურათებს.

ანდრე გომეში “ბარსელონაში” 2016-2018 წლებში თამაშობდა. “ბლაუგრანას” მაისურით მან 78 თამაში ჩაატარა, 3 გოლი გაიტანა და 4 ტიტული მოიგო.