ტომას ვერმალენი ისევ ტრავმირებულია
პრობლემებს "ბარსელონას" უკანა ხაზში კიდევ ერთი შეემატა. ბელგიისა და შვეიცარიის შეხვედრის 73-ე წუთზე ტომას ვერმალენმა ტრავმა მიიღო და თამაში ვეღარ გააგრძელა.
ფეხბურთელი ერთი შეხედვით უწყინარ სიტუაციაში დაშავდა. მას მეტოქის თავდამსხმელის პრესინგის გამო ბურთის უკან დაბრუნება მოუწია, პასის გაკეთების დროს კი მარჯვენა ფეხში ტკივილი იგრძნო და მაშინვე შეცვლა მოითხოვა. ბელგიელი ცენტრალური მცველი ექიმებთან ერთად პირდაპირ გასახდელისკენ გაემართა.
ჯერჯერობით მის დაზიანებაზე ზუსტი ცნობები არ ვრცელდება, მაგრამ თუ ეს ის ტრავმაა, რაც ერთი შეხედვით ჩანს, მას შესაძლოა 2-3 კვირა გაუცდეს. შეგახსენებთ, რომ კატალონიურ გრანდში ამ მხრივ სერიოზული პრობლემებია. დაცვის ერთ-ერთო ლიდერი, სამუელ უმტიტი ასევე ტრავმირებულია და შესაძლოა ოპერაციაც დასჭირდეს.
ვერმალენის ტრავმებისკენ მიდრეკილება ყველასთვის ცნობილია და ესპანური პრესის ცნობით, "ბარსელონას" ხელმძღვანელობამ უკვე დაიწყო მუშაობა მატიას დე ლიგტის ტრანსფერზე ზამთრის სატრანსფერო ფანჯრის მიმდინარეობისას.
ამ სიახლეზე კომენტარები გათიშულია.
კომენტარები [ 4 ]