"ბარსელონამ" თვალი სერია A-ს საუკეთესო ბომბარდირდს დაადგა

"ბარსელონა" ლუის სუარესის შემცვლელის კანდიდატურას ინტენსიურად ეძებს და Mundo Deportivo-ს ცნობით, ერთ-ერთ კანდიდატად იტალიური "ჯენოას" პოლონელ თავდამსხმელს, კშიშტოფ პიონტეკს განიხილავს.

პიონტეკი 23 წლისაა. გასულ ორ სეზონში "კრაკოვიაში" თავის კარგად წარმოჩენის (65 თამაშში 32 გოლი) შემდეგ, მან "ჯენოას" ყურადღება მიიქცია და გენუელებმა მასში 4 მილიონი ევრო გადაიხადეს.

იტალიის გაცილებით ძლიერ ჩემპიონატში გადასვლის მიუხედავად, პიონტეკმა გოლების გატანას არათუ არ უკლო, პირიქით - უმატა. გენუელთა მაისურით გამართულ 7 შეხვედრაში მან უკვე 12 გოლი გაიტანა. აქედან 6 მატჩი და 8 გოლი სერია A-ზე მოდის. 7 ტურის შემდეგ სწორედ ისაა გათამაშების საუკეთესო ბომბარდირი.