ლუის სუარესი, როგორც შეუცვლელი ფიგურა “ბარსაში”

ერნესტო ვალვერდეს “ბარსელონაში” სრულყოფილთან მიახლოებული შემადგენლობა ჰყავს. 21 ფეხბურთელი და გაორმაგებული შესაძლებლობები თითოეულ პოზიციაზე.

მათგან ლუის სუარესი ერთადერთი ფეხბურთელია, რომელიც არაა დაზღვეული. კლუბს არ შეუძენია 9 ნომერის ჩამნაცვლებელი და მთელი ნდობა მას გამოუცხადეს.

მიუხედავად იმისა, რომ იანვარში სუარესს 33 წელი უსრულდება, ის რჩება მნიშვნელოვან ფიგურად, რაც ლიონელ მესისთან იდეალურ ურთიერთგაგებასთანაა დაკავშირებული.

სუარესი ამ სეზონშიც, უდაოდ იქნება მთავარი ორიენტირი შეტევის ხაზში.

ეს ნაწილობრივ მისი შესაძლებლობებითაა გამოუწვეული, ნაწილობ კი ნაკლები კონკურენციით. სხვა ფეხბურთელებს შეუძლიათ ამ პოზიციაზე თამაში, თუმცა ისინი სხვადასხვა როლებს ასრულებენ.

საზაფხულო ფანჯრის დროს კატალონიელები ეძებდნენ ჩამნაცვლებელს და მთავარი კანდიდატი ლუკა იოვიჩი იყო, თუმცა სერიოზულად არავინ არ განიხილებოდა.

შედეგი არის ის, რომ ვალვერდეს 2019/2020 წლის სეზონში მხოლოდ ერთი გამოკვეთილი ცხრიანი ეყოლება.

ურუგვაელმა წინა სეზონში 23 გოლი გაიტანა, აქედან 19 ესპანეთის ჩემპიონატში.

2017/2018 სეზონში ყველა ტურნირზე გოლების რაოდენობამ 31-ს მიაღწია, 2016/2017-ში 36-ს, ხოლო 2015/2016-ში 59-ს.

2018/2019 წლების სეზონმა ვერ ჩაიარა ისე, როგორც კლუბი და თვითონ სუარესი ელოდნენ. გარდა ამისა, ფინალური ნაწილი მან საერთოდ გამოტოვა. საქმე ისაა, რომ არსებობდა ოპერაციის გაკეთების აუცილებლობა, რამაც გამორიცხა კიდევაც მისი თამაში კოპა დელ რეის ფინალში, თუმცა შესაძლებლობა მისცა მონაწილეობა მიეღო კოპა ამერიკაზე.

მიუხედავად ყველაფრისა, დროა გავიხედოთ მომავლისკენ. სუარესი ზაფხულში არ იყიდებოდა და ის იქნება ისეთივე მნიშვნელოვანი “ბარსასთვის”, როგორიც აქამდე იყო.