მესის ფანტასტიკური ჯარიმით, "ბარსელონამ" 6 000-გოლიან ნიშნულს მიაღწია, შემდეგ კი გადაცდა
"ალავესთან" 3-0 მოგებულ შეხვედრაში, "ბარსელონა" ლა ლიგაში გატანილი 6 000 ბურთის ნიშნულს გადაცდა. საიუბილეო პირველი გოლი იყო - ლეო მესის მიერ შესრულებული ჯარიმა, რომელიც ტურის საუკეთესო გოლებში აუცილებლად მოხვდება.
მესის ასეთი მიღწევა აქამდეც ჰქონდა - ცხრა წლის წინ, კლუბის ისტორიაში მე-5000 გოლი სწორედ მან გაიტანა, შუალედში კი თითქმის გოლების ნახევარში მიიღო მონაწილეობა. არგენტინელმა 125 ასისტი შეასრულა, 338 კი თავად გაიტანა.
ყველაფერი 1929 წელს, "რასინგთან" გასვლით მატჩში დაიწყო, როცა მეტოქის კარში ბურთი პარერამ მოათავსა, ამის შემდეგ კი, საიუბილეო გოლები შემდეგმა მოთამაშეებმა გაიტანეს:
მარკოს აურელიო - 1 000;
პედრო საბალა - 2 000;
კინი - 3 000;
გილერმო ამორი - 4 000;
ლიონელ მესი - 5 000;
ლიონელ მესი - 6 000.
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 7 ]