მოქმედმა ჩემპიონმა კოლუმბია პენალტების სერიაში დაამარცხა [ვიდეო]

გვიან ღამით “კორინთიანს არენაზე” კოპა ამერიკის კიდევ ერთი ნახევარფინალისტის ვინაობა გაირკვა. ერთმანეთს B ჯგუფის გამარჯვებული, კოლუმბია და ტურნირის ორგზის მოქმედი ჩემპიონი, ჩილე დაუპირისპირდნენ. 

შეხვედრის ძირითადი დრო გოლის გარეშე დასრულდა. თერთმეტმეტრიანები კი ერთი ფეხბურთელის გარდა ყველამ ზუსტად შეასრულა – მეხუთე დარტყმა კოლუმბიელმა უილიამ ტესილომ ვერ გამოიყენა და შესაბამისად, მატჩი ჩილემ მოიგო. 

არტურო ვიდალმა, როგორც მოსალოდნელი იყო, ყვითელი ბარათი მიიღო (59′), პენალტი კი გაიტანა. 

[media=https://www.youtube.com/watch?v=SD_5ZB2O1i0]

ასე რომ, საუკეთესო ოთხეულში ჯერჯერობით გასულ 3 გუნდს “ბარსელონას” წარმომადგენელი ჰყავს. დღეს, ლუის სუარესი ურუგვაის ნაკრებთან ერთად პერუს შეხვდება და ჩილეს მეტოქე ცნობილი გახდება.