"ბარსელონას" ფეხბურთელებმა ბართომეუს ალკანტარას შეძენა ურჩიეს
ცოტა ხნის წინ გავრცელდა ინფორმაცია იმასთან დაკავშირებით, რომ ტიაგო ალკანტარა მიუნხენის "ბაიერნის" და გუნდის მომავალი მთავარი მწვრთნელის, ნიკო კოვაჩის გეგმებში აღარ შედის, ასე რომ, ის კლუბს დატოვებს.
Sport იტყობინება, რომ "ბარსელონას" ფეხბურთელებმა, რომელთა სიტყვას დიდი ფასი აქვს, კლუბის პრეზიდენტ ჟოზეპ ბართომეუს ურჩიეს, ეს მომენტი ხელიდან არ გაუშვას. მათი აზრით, გერმანიაში გატარებული 5 სეზონის შემდეგ ტიაგოს "ბარსელონაში" დაბრუნება იდეალური იქნება, იქიდან გამომდინარე, რომ ის ბუნდესლიგაში თამაშით კიდევ უფრო გაიზარდა და სხვადასხვა ასპექტში გაძლიერდა, განსაკუთრებით დაცვაში.
წყაროს ცნობით, "ბაიერნი" ალკანტარას სანაცვლოდ 80 მილიონს მოითხოვს, მაგრამ "ბარსელონა" (რა თქმა უნდა) ამ თანხის შემცირებას მოითხოვს და საბოლოოდ კლუბები დაახლოებით 50 მილიონ ევროზე შეთანხმდებიან.
ამ სიახლეზე კომენტარები გათიშულია.
კომენტარები [ 17 ]