ლუის სუარესი: გრიზმანის "ბარსელონაში" ხილვა სასიამოვნო იქნება

"ბარსელონას" თავდამსხმელი ლუის სუარესი ანტუან გრიზმანის კატალონიურ კლუბში შესაძლო გადმოსვლასთან დაკავშირებით კომენტარს აკეთებს.

"გრიზმანის "ბარსელონაში" ხილვა სასიამოვნო იქნება. ის ისეთივე დიდი ფეხბურთელია, როგორც დემბელე და კოუტინიო. ის უმაღლეს დონეზე კიდევ მრავალი წლის განმავლობში ითამაშებს.

თუ გრიზმანს დავიმატებთ, მას მთელი გუნდი მიესალმება. ის აქ რომელიმე ფეხბურთელის შესაცვლელად არ მოვა. ანტუანი გუნდისთვის შესანიშნავი დანამატი იქნება და ის აქ ბევრ ტიტულს მოიგებს."