ანდერ ერერა: მესი ყოველთვის საუკეთესო იქნება

"მანჩესტერ იუნაიტედის" ესპანელი ნახევარმცველი ანდერ ერერა კატალონიურ კლუბზე, მის არგენტინელ ლიდერსა და მთავარ მწვრთნელზე საუბრობს.

"მესი ყოველთვის მსოფლიოს საუკეთესო ფეხბურთელი იქნება იმის მიუხედავად, თუ ვინ გაწვრთნის მას. ის გვარდიოლას, ენრიკეს, ტატასა და ვილანოვას დროს კარგად თამაშობდა. ეჭვი არ მეპარება, რომ მესი ისტორიაში საუკეთესო ფეხბურთელია.

კრიშტიანუ რონალდუს ვაღმერთებ იმის გამო, რასაც მან მიაღწია, მისი მონდომებისა და პიროვნების გამო. ის, ბავშვებისთვის, მისაბაძი მაგალითაია... მაგრამ მესის ღმერთი ჯადოსნური ჯოხით შეეხო.

ვალვერდეს არ გაუმართლა. ამ ეტაპზე, ის მსოფლიოს 5 საუკეთესო მწვრთნელში შედის. "ბარსელონას" ორი ტიტულის მოგების შანსი კვლავ აქვს და კატალონიელები ჩემპიონთა ლიგისთვის მომდევნო სეზონში იბრძოლებენ.

როდესაც "ბარსელონაში" მოთამაშე ესპანელებს ვესაუბრები ხოლმე, ისინი ამბობენ, რომ ვალვერდესთან მუშაობით კმაყოფილები არიან."