„ნაპოლიში“ დეულოფეუს ადგილი აღარ რჩება
Sport-ის ინფორმაციით, უახლოეს მომავალში "ნაპოლი" ამინ იონესის ტრანსფერს დაადასტურებს, რაც იმას ნიშნავს, რომ კლუბი ჟერარ დეულოფეუს შეძენაზე აღარ იმუშავებს.
დეულოფეუ ერნესტო ვალვერდეს გეგმებში არ შედის და იტალიაში დაბრუნებას გეგმავს, სადაც მან "მილანთან" ერთად შთამბეჭდავი ნახევარი სეზონი ჩაატარა. "სან სიროზე" გადაბარგება ესპანელი ფორვარდის პრიორიტეტია, მაგრამ "როსონერის" ძვირადღირებული ტრანსფერის განხორციელება არ შეუძლია.
პრეტენდენტია "ინტერიც", მაგრამ რაფინიას გაფორმების შემდეგ, "ნერაძურის" სატრანსფერო პრიორიტეტი ხავიერ პასტორე გახდა.
ინტერესს გამოხატავს "რომაც", რომლის სპორტულ დირექტორს, მონჩის დეულოფეუსთან მუშაობის გამოცდილება აქვს. წინადადება მოსალოდნელია, მაგრამ ჯერჯერობით, ჟერარის წასვლის საკითხს სერიოზული სახე არ მიუღია. "კამპ ნოუდან" გადაბარგების კანდიდატი ალეიშ ვიდალიცაა.
ამ სიახლეზე კომენტარები გათიშულია.
კომენტარები [ 7 ]