ფრანგული პრესა: პსჟ-ს ბუსკეტსი სურს
როგორც ჩანს, ნასერ ალ-ხელაიფისთვის "ბარსელონასთვის" ნეიმარის "წართმევა" საკმარისი არ აღმოჩნდა და ფრანგული "პარი სენ-ჟერმენის" პრეზიდენტი კიდევ ერთი "ბლაუგრანელის" გამოსასყიდი თანხის გადახდითაა დაინტერესებული. საქმე ეხება სერხიო ბუსკეტსს, აღნიშნული თანხა კი 200 მილიონ ევროს შეადგენს.
აღნიშნულ ინფორმაციას რამდენიმე ფრანგულ გაზეთთან ერთად ჟურნალისტი ჯონათან ბეილინი ავრცელებს, რომლის თანახმადაც "ნასერ ალ-ხელაიფი ბუსკეტსის პსჟ-ს მაისურით ხილვაზე ოცნებობს, მიუხედავად იმისა, რომ ნეიმარის ტრანსფერის შემდეგ ეს შეუძლებლად ჩანს." პრესის წარმომადგენელი იმ ინფორმაციასაც ავრცელებს, რომ ბუსკეტსის ალტერნატივად პარიზელები ნგოლო კანტეს განიხილავენ.
ბუსკეტსმა კონტრაქტი გასულ სეზონში 2021 წლამდე გაახანგრძლივა, როგორც ფეხბურთელმა აქამდე არაერთხელ აღნიშნა, მისი მიზანი კარიერის "ბლაუგრანაში" დამთავრებაა.
ამ სიახლეზე კომენტარები გათიშულია.
კომენტარები [ 19 ]