ხეისონ მურილიო: იმედი მაქვს, “ბარსელონაში” დიდხანს დავრჩები

“ბარსელონას” ახალწვეულმა, ხეისონ მურილიომ, კატალონიურ კლუბთან კონტრაქტის გაფორმების შემდეგ, კომენტარი გააკეთა.

“ამ ფორმის ტარებაზე ბავშვობიდან ვოცნებობდი. ახლა, ეს ოცნება რეალობად იქცა. იმედი მაქვს, მოედანზე თავს გამოვიჩენ.

ამ შანსით ძალიან ბედნიერი ვარ. “ბარსელონა” მსოფლიოში უდიდესი კლუბია. აქ ყოფნა ახდენილი ოცნებაა და იმედი მაქვს დიდხანს დავრჩები.

გუნდში მსოფლიოს საუკეთესო ფეხბურთელის ყოლა დიდი უპირატესობაა. ყველამ ვიცით, ვისაც ვგულისხმობ. იმედი მაქვს, მას და გუნდს დავეხმარები.

იერი მინა ჩემი მეგობარია. მან აქ გადმოსვლა მირჩია.”