დუგლასი: მესისთან და ნეიმართან ერთად ვარჯიში ფასდაუდებელი იყო
"ბარსელონას" საკუთრებაში მყოფი ბრაზილიელი ფეხბურთელი, დუგლას პერეირა, რომელიც ამჟამად იჯარის წესით "ბენფიკაში" თამაშობს, კატალონიურ გუნდში გატარებულ პერიოდს იხსენებს.
დუგლასი "ბარსას" წევრი 2014 წლიდანაა, თუმცა კლუბში მხოლოდ 5 შეხვედრა აქვს ჩატარებული (2016-17 წლების სეზონი მან ასევე იჯარის წესით ხიხონის "სპორტინგში" გაატარა). მისი გამოსვლა დიდად შთამბეჭდავი არ ყოფილა და თავად ფეხბურთელი ამას იმ ფაქტს აბრალებს, რომ კრიტიკას ყოველთვის დიდ ყურადღებას აქცევდა, მაგრამ საბოლოო ჯამში "ბარსელონაში" გადასვლას არ ნანობს, რადგან, მისი თქმით, კატალონიაში მსოფლიოს საუკეთესო ფეხბურთელებთან ერთად ყოფნისას ძალიან ბევრი რამ ისწავლა.
"როცა კრიტიკას ყურადღებას ვაქცევთ, ძველებურად შრომას ვეღარ ვახერხებთ და ყველაფერი ისე არ გამოგვდის, როგორც მანამდე. ასეთი შემთხვევები ხშირია და ეს ფეხბურთის ნაწილია, თუმცა შეცდომებზე უნდა ვისწავლოთ.
მიუხედავად ამისა, "ბარსელონაში" ყოფნა და ისეთ ფეხბურთელებთან ერთად ვარჯიში, როგორებიც არიან ლიონელ მესი და ნეიმარი, ფასდაუდებელია" - აცხადებს 27 წლის ფეხბურთელი.
ამ სიახლეზე კომენტარები გათიშულია.
კომენტარები [ 10 ]