ლა ლიგა ნეიმარის ტრანსფერს დროებით დაბლოკავს
თუ კატალონიურ პრესას დავუჯერებთ, ნეიმარის "ბარსელონადან" "პარი სენ ჟერმენში" გადასვლა უახლოეს მომავაშლი ვერ შედგება. Sport-ის ცნობით, ამის მიზეზი ლა ლიგის გადაწყვეტილებაა.
ორგანიზაციას, რომელიც ესპანეთის ჩემპიონატს ატარებს, ბრაზილიელი ვარსკვლავის სხვა ლიგაში გაშვება არ სურს და მიზნის მისაღწევად, ყველა ხერხს მიმართავს. ცოტა ხნის წინ, ლა ლიგის პრეზიდენტმა ხავიერ ტებასმა განაცხადა, რომ ტრანსფერის განხორციელების შემთხვევაში, ის პსჟ-ს UEFA-ში აუცილებლად უჩივლებს. ცოტა ხნის წინ კი, ახალი ინფორმაცია გავრცელდა.
იმისათვის, რომ "პარი სენ ჟერმენმა" "ბარსელონადან" ნეიმარის ტრანსფერი გამოისყიდოს, საჭიროა, ტრანსფერის თანხა ლა ლიგის ანგარიშზე ჩარიცხოს. თუმცა, ეს ორგანიზაცია არ აპირებს პარიზელთაგან 222 მილიონი ევრო მიიღოს მანამ, სანამ გარიგების სისწორეში არ დარწმუნდება. ლა ლიგის წარმომადგენლები ყველა მხარისგან დამატებით დოკუმენტაციას გამოითხოვენ და ტრანსფერს მხოლოდ იმ შემთხვევაში დაარეგისტრირებენ, თუ დარწმუნდებიან, რომ ის არანაირ წესებს არ არღვევს.
ამ სიახლეზე კომენტარები გათიშულია.
კომენტარები [ 9 ]