სებალიოსმა "ბეტისის" მწვრთნელს შეატყობინა, რომ წასვლა სურს
"ბეტისის" ნახევარმცველმა, დანი სებალიოსმა კლუბის დატოვების გადაწყვეტილება მიიღო. ABC-ზე დაყრდნობით, ფეხბურთელმა გუნდის ახალ მწვრთნელს, კიკე სეტიენს ამის შესახებ სამშაბათს, "ბენიტო ვილიამარინის" ოფისში შეატყობინა.
სებალიოსმა "ლას პალმასის" ყოფილ თავკაცს აცნობა, რომ მზადაა დიდ გუნდს შეუერთდეს, მაგრამ კერძოდ რომელი კლუბის შემოთავაზებას დათანხმდება პერსპექტიული ფეხბურთელი, ჯერჯერობით, ცნობილი არ არის.
"რეალისა" და "ბარსას" რადარზე მყოფი ანდალუსიელი დარწმუნებულია, რომ მისი ეპოქა "ბეტისში" დასასრულს მიუახლოვდა. ფეხბურთელი სხვა კლუბთან კონტრაქტის გაფორმებისა და სევილიაში არენდის წესით დარჩენის ვარიანტს არ განიხილავს.
ახალგაზრდული ევროპის ჩემპიონატის საუკეთესო ფეხბურთელის გამოსასყიდი თანხა 15 მილიონი ევროა. სამშაბათს, დანიმ და მისმა წარმომადგენლებმა "ბეტისთან" მოთამაშის მომავლის საკითხი განიხილეს.
ამ სიახლეზე კომენტარები გათიშულია.
კომენტარები [ 7 ]