“ბარსელონა” სამი ცენტრალური მცველით ინტერესდება

“ბარსელონას” ინტერესთა სფეროში ერთდროულად რამდენიმე მცველი მოხვდა.

პრესაში ბოლო დროს გავრცელებული ინფორმაციის თანახმად, კატალონიური კლუბი სამუელ უმტიტის, ახალი კონტრაქტის პირობებზე ვერ უთანხმდება, ამიტომაც “ლურჯ-ბროწეულსიფერები” ყურადღებას სხვა ფეხბურთელებზე ამახვილებენ.

Sport-ის ცნობით, “ბარსას” დაცვის გაძლიერების ერთ-ერთი ვარიანტი “ლაიფციგის” ცენტრალური მცველი, დაიო უპამეკანოა. 19 წლის ფრანგის გამოსასყიდი თანხა 100 მილიონ ევროს შეადგენს.

კიდევ ერთი ვარიანტია “სევილიას” მცველი, კლემან ლანგლე, რომელიც მიმდინარე სეზონში კარგ თამაშს აჩვენებს.

ასევე განიხილება “შალკეს” 21 წლის მცველის, ტილო კერერის შეძენის ვარიანტიც.