გუნდი “ესპანიოლთან” მატჩისთვის მზადაა (ვიდეო)

7 მარტს, “კამპ დ’ესპორტსზე”, კატალონიის სუპერ თასის ფინალში, ერთმანეთს “ესპანიოლი” და “ბარსელონა” დაუპირისპირდებიან.

“ლურჯ-ბროწეულისფერთა” Youtube-ს ოფიციალურ გვერდზე ერნესტო ვალვერდეს შეგირდთა ვარჯიშის ამსახველი ვიდეო გავრცელდა წარწერით: “უსმან დემბელე და კამპანია კატალონიის სუპერ თასის მოპოვებას უმიზნებს”.

შეგახსენებთ, რომ პირველი გუნდიდან განაცხადში მხოლოდ იასპერ სილესენი, დენის სუარესი, უსმან დემბელე, პაკო ალკასერი, ლუკა დინი, ანდრე გომეში, ალეიშ ვიდალი და იერი მინა მოხვნდნენ. მათ “ბარსა ბ”-დან ორტოლა, ალენია, პალენსია, კუენკა, დავიდ კოსტასი, მირანდა, ონგლა, მაკგინი, რივერა, პერესი, აბელ რუისი და ბალოუ დაემატნენ. მატჩი 21:45 საათზე გაიმართება.