დიეგო გოდინი: ჩემპიონობისთვის ბოლომდე ვიბრძოლებთ

მადრიდის “ატლეტიკოს” ცენტრალურმა მცველმა, დიეგო გოდინმა, განაცხადა, რომ მისი გუნდი ადვილად არ დანებდება. ურუგვაელმა ფეხბურთელმა, გარდა ამისა, “ბარსელონა” და ლიონელ მესი შეაქო.

“ჩემპიონობისთვის ბოლომდე ვიბრძოლებთ, მაგრამ რთული წარმოსადგენია, რომ ამ “ბარსელონამ” 4-5 თამაში წააგოს. კატალონიელები საოცარ ფორმაში იმყოფებიან.

ლიონელ მესი საუკეთესო ფეხბურთელია, რომლის წინააღმდეგაც ოდესმე მითამაშია. ის მოედანზე აკეთებს იმას, რაც უნდა და როცა უნდა”, – ციტირებს გოდინის სიტყვებს Cadena Ser.

პრიმერას მიმდინარე გათამაშების სატურნირო ცხრილში მეორე ადგილოსანი “ატლეტიკო” ლიდერ “ბარსელონას” 7 ქულით ჩამორჩება.