დღეს “ელ გუახეს” დაბადების დღეა!

კატალონიის “ბარსელონას” ებოლო წლების რთ-ერთ ყველაზე გამორჩეულ ფორვარდს, დავიდ ვილია სანჩესს დღეს 36 წელი შეუსრულდა.

“ელ გუახე” ქვეყანას ზუსტად 36 წლის წინ, 1981 წლის 3 დეკემბერს ესპანეთის ქალაქ ლანგრეოში მოევლინა. მისი ახალგაზრდული კარიერა ამავე ქალაქის პატარა კლუბში, “ლანგრეოში” დაიწყო, სადაც მან 1991-1999 წლებში იასპარეზა, შემდეგ კი ხიხონის “სპორტინგს” მიაშურა, ესპანელმა ასტურიაში 4 წელი დაჰყო.

“სარაგოსასა” და “ვალენსიაში” ნაჩვენები უმაღლესი დონის ფეხბურთის შემდეგ დავიდ ვილიამ თავი “ბარსელონაში” ამოჰყო. ესპანელი “ლურჯ-ბროწეულისფერთა” ღირსებას 3 წლის განმავლობაში, 2010-2013 წლებში იცავდა, სადაც მან 3 ლა ლიგა, ესპანეთის სამეფო თასი, 2 ესპანეთის სუპერთასი, ჩემპიონთა ლიგა, ევროპის სუპერთასი და მსოფლიო ჩემპიონატი მოიგო. ასევე აღსანიშნავია, რომ “ელ გუახე” “ფურია როხასთან” ერთად ევროპის და მსოფლიო ჩემპიონი გახდა.

დავიდ ვილიამ “ბარსელონას” გულშემატკივარს თავი ბევრი ბედნიერი მომენტით დაამახსოვრა, მათ შორის ყველაზე გამორჩეული ჩემპიონთა ლიგის ფინალში, “მანჩესტერ იუნაიტედის” წინააღმდეგ გატანილი გოლი და ისტორიულ “ელ კლასიკოში” (5-0), იკერ კასილიასის კარში შესრულებული დუბლია.