სილესენი: "გამიმართლა, რომ "ბარსელონაში" მოვხვდი"

"ბარსელონას" ახალწვეულმა, იასპერ სილესენმა, კატალონიური გუნდის ფეხბურთელის რანგში პირველი პრესკონფერენცია გამართა და სხვა საკითხებთან ერთად, მარკ-ანდრე ტერ შტეგენთან კონკურენციაზეც ისაუბრა.

"აქ ყოფნით ძალიან ბედნიერი ვარ. იმედი მაქვს, ჩემი ასპარეზობით ყველა კმაყოფილი დარჩება. "კამპ ნოუზე" აქამდეც მითამაშია და ვიცი, რა მოლოდინი უნდა მქონდეს.

აქ იმისთვის ვარ, რომ ჩემი საუკეთესო თვისებები წარმოვაჩინო. ვიცი, რომ რთული კონკურენცია მელის, მაგრამ თავდაუზოგავად ვიმუშავებ იმისათვის, რომ ლუის ენრიკე ჩემით კმაყოფილი დარჩეს.

ბარსელონა შესანიშნავი ქალაქია. აქ ცხოვრება და თამაში ოცნების ახდენაა.

აქ მოსვლის მომენტიდან კარგი წინათგრძნობა მაქვს. მწვრთნელი გადაწყვეტს, ვინ უნდა ითამაშოს, მე კი შევეცდები, მას გადაწყვეტილების მიღება გავურთულო.

ლუის სუარესი, პირველად, ჰოლანდიურად დამელაპარაკა და თავი მაშინვე სახლში ვიგრძენი.

ჩემი დღევანდელი ვარჯიში ხანმოკლე გამოდგა, რადგან პრეზენტაცია მქონდა, თუმცა ტერ შტეგენთან გასაუბრება მაინც მოვახერე. მე ცოტა გერმანული ვიცი და გარდა ამისა, ინგლისურად ორივე ვსაუბრობთ. ასე რომ, ერთმანეთს გავუგებთ. მარკი დიდებულიი მეკარეა.

ლუის ენრიკე ძალიან თბილად დამხვდა. ასე მოიქცა მთელი გუნდი. ახალ თანაგუნდელებთან შეხვედრა დიდებული იყო.

ვიცი, რომ ძალიან იღბლიანი ვარ, რადგან ამ გუნდში თამაშის შანსი მომეცა."