"ბარსელონა" დომენიკო ბერარდით ინტერესდება
კატალონიელთა რადარზე ახალგაზრდა იტალიელი ფეხბურთელი აღმოჩნდა.
დომენიკო ბერარდი ამჟამად "სასუოლოს" ხელმძღვანელობის საკუთრებაა. თუმცა, "იუვენტუსს" აქვს უფლება, ზაფხულში ეს მოთამაშე 25 მილიონი ევროს სანაცვლოდ უკან დაიბრუნოს. სიტუაცია, შესაძლოა, "ბარსელონამ" არიოს, რომელიც მესის, სუარესისა და ნეიმარის შემცვლელს ეძებს.
მოლაპარაკებებში დახმარება, შესაძლოა, იმან გაწიოს, რომ ხავიერ მასკერანოსა და დანიელ ალვესის შეძენით ტურინელები არიან დაინტერესებულნი.
იტალიურ პრესაში ადრე გავრცელდა ინფორმაცია იმის შესახებ, რომ ბერარდის "იუვენტუსში" დაბრუნება თითქმის უკვე გადაწყვეტილია. მისი ყიდვის სურვილზე იტალიის ჩემპიონთა გენერალურმა დირექტორმა, ბეპე მაროტამ განაცხადა.
მიუხედავად ამისა, როგორც El Mundo Deportivo იუწყება, გასულ კვირას დომენიკო ბარსელონას ესტუმრა, სადაც კლუბის ხელმძღვანელობასთან მოლაპარაკებები გამართა.
აღსანიშნავია, რომ მიმდინარე სეზონში ბერარდის ანგარიშზე 29 მატჩში 7 გოლი და 6 საგოლე გადაცემაა.
აგრეთვე, "ბარსელონას" საზაფხულო სამიზნედ "სევილიას" თავდამსხმელი კევინ გამეირო ითვლება.
ამ სიახლეზე კომენტარები გათიშულია.
კომენტარები [ 38 ]