ალბა იუბილარია!

"ბარსელონას" მარცხენა მცველს დღეს 27 წელი შეუსრულდა.

ჟორდი ალბა რამოსი 1989 წლის 21 მარტს, ქალაქ ჰოსპიტალეტში, დაიბადა. მან ახალგაზრდული კარიერა ოთხ სხვადასხვა გუნდში გაატარა: პირველი მისი მშობლიური იყო, შემდეგ "ბარსელონაში" გადავიდა, შემდეგ "კორნელაში", ბოლოს კი "ვალენსიაში", სადაც შედგა კიდეც მისი დებიუტი პროფესიონალურ დონეზე. "ღამურების" შემადგენლობაში ყოფნის პერიოდში, ერთი სეზონით (2008-2009), ის "ჟიმნასტიკში" იყო განათხოვრებული.

ალბამ ესპანელ გულშემატკივარში თავის კარგად გამოჩენა "ვალენსიას" მაისურით თამაშის დროს შეძლო. სწორედ იქ გატარებულმა წარმატებულმა კარიერამ გადააწყვეტინა "ბარსელონას" ხელმძღვანელობას, 2012 წელს მისი შეძენა.

დღეს ის უკვე კატალონიური გრანდისთვის დაცვის მარცხენა ფლანგზე მთავარი ფიგურაა.

ალბა სანაკრებო დონეზეც საკმაოდ წარმატებულად ასპარეზობს. 2012 წელს ის ესპანეთის ნაკრებთან ერთად ევროპის ჩემპიონი გახდა. ფინალში კი გატანა მოახერხა.

ვულოცავთ ალბას დაბადების დღეს და კიდევ უფრო დიდ წარმატებას ვუსურვებთ!

[media=https://www.youtube.com/watch?v=wU5Mvb6mfnY]