ჩავი: „მესის მსოფლიო ჩემპიონატის მოგება არ ჭირდება, რომ იყოს საუკეთესო“
"ბარსა" ყოფილი კაპიტანი და ლეგენდა - ჩავი ერნანდესი La Vanguardia-სთან ინტერვიუში ყოფილ თანაგუნდელ ლიონელ მესიზე საუბრობს და აცხადებს, რომ მას მსოფლიო ჩემპიონატის მოგება არ ჭირდება იმისთვის, რომ ყველა დროის საუკეთესო იყოს.
"ლეო განუმეორებელია, ვფიქრობ ის საუკეთესოა ვისთანაც ერთად მითამაშია. ის საუკეთესოა და მომავალშიც საუკეთესოდ დარჩება. ის ფეხბურთის ისტორიაში ყველა დროის საუკეთესოა, ამისთვის მას მსოფლიო ჩემპიონატის მოგება არ ჭირდება. ეს ტურნირი არც იოჰან კრუიფს და არც დი სტეფანოს არ აქვს მოგებული. მესი ერთი დიდი შოუა, ის ყველაფერს სწორად აკეთებს. ლეოს იმის გაკეთება შეუძლია, რაც მოუნდება. მესის საოცარი სისწრაფე აქვს, ხოლო ვარჯიშებზე მისი ნახვა ნებისმიერს სურს. ლიონელი ბურთს არასოდეს კარგავს, ის მუდამ მზადაა დაგეხმაროს. მას დიდი სიმაღლე არ აქვს, მაგრამ თავით იტანს გოლებს, ის არაა მემარჯვენე, მაგრამ მარჯვენათი შეუძლია გოლების გატანა. მესი სრულყოფილი მოთამაშეა, რომელიც არის გამხდარი და დაუმარცხებელი ფეხების მქონე. მისი შესაძლებლობები ბუნებრივად აქვს, მიუხედავად იმისა, რომ ის მხოლოდ 1 მეტრი და 69 სანტიმეტრია. მისი თამაში დიდი სანახაობაა " - აცხადებს, ჩავი.
ამ სიახლეზე კომენტარები გათიშულია.
კომენტარები [ 13 ]