რონალდინიომ, აბიდალმა, აგუერომ და სხვებმა მესის საიუბილეო გოლი მიულოცეს

“ბარსელონამ” Youtube-ს ოფიციალურ გვერდზე გამოაქვეყნა ვიდეო, სადაც ლიონელ მესის მეგობრები არგენტინელს კატალონიური კლუბის მაისურით გატანილ საიუბილეო მე-500 გოლს ულოცავენ.

“ლეო, ძმაო, გიგზავნი შეტყობინებას, რათა საიუბილეო მე-500 გოლი მოგილოცო. მე მათგან პირველის გატანაში დაგეხმარე. მოხარული ვარ და სიყვარულით გილოცავ.” – რონალდინიო.

“მეგობარო, ვერაფერს გეტყვი ისეთს, რაც შენთვის აქამდე არ მითქვამს. შენი წარმატებებით მოხარული ვარ და მინდოდა ბოლო მიღწევა მომელოცა – 500 ოფიციალური გოლი “ბარსელონას” მაისურით. მინდა, რომ კიდევ 500 გაიტანო. შენ იცი, რომ ძალიან მიყვარხარ. კიდევ ერთხელ გილოცავ.” – ხოსე მანუელ პინტო.

“ლეო მინდოდა მე-500 გოლი მომელოცა. ძალიან ბედნიერი ვარ და იმედი მაქვს, რომ კიდევ ბევრჯერ გაიტან. რეკორდების დამხობა გააგრძელე.” – სერხიო აგუერო.

“500 გოლი “ბარსელონას” მაისურით უნიკალური მიღწევაა. მხოლოდ ერთ პიროვნებას შეეძლო ამის გაკეთება და ეს შენ ხარ. გაუმარჯოს “ბარსელონასა” და კატალონიას.” – ერიკ აბიდალი.

“გილოცავ ლეო მე-500 გოლს. მსგავსი შედეგის დაფიქსირებისთვის უკეთესი ადგილი არ არსებობს. არასდროს წახვიდე და ამ მომენტით დატკბი.”-კარლეს პუიოლი.

“ლეო ჩემი და გუნდის სახელით გილოცავ. შენთან ერთად ამ სიხარულის გაზიარება დიდი სიამოვნებაა და ვიმედოვნებ, რომ წინ კიდევ უამრავი ასეთი მომენტი გვექნება. წინსვლის გაგრძელება შეგვიძლია.”-ანდრეს ინიესტა.

ამასთანავე, არგენტინელს მისალოცი შეტყობინება გაუგზავნეს სილვინიომ და გაბრიელ მილიტომ.