“ბარსელონას” ლეგენდარული ფეხბურთელი, რონალდინიო იმედოვნებს, რომ “ლურჯ-ბროწეულისფრები” ჩემპიონთა ლიგის მეორე მეოთხედფინალურ მატჩში დეფიციტის აღმოფხვრას შეძლებენ.
“ვფიქრობ, “ბარსელონა” სხვაობის გათანაბრებას შეძლებს, მაგრამ ეს რთული იქნება. ასეთ მომენტებში დიდებული მოთამაშეები წყვეტენ დაპირისპირების ბედს.“-ციტირებს რონალდინიოს სიტყვებს UEFA-ს ოფიციალური საიტი.
ბრაზილიელმა კომენტარი გააკეთა “ბარსელონასა” და “პარი სენ-ჟერმენს” შორის გამართულ მატჩზეც სადაც კატალონიელებმა 6:1 გაიმარჯვეს.
“ეს შესანიშნავი, ისტორიული შეხვედრა იყო. გამიმართლა, რომ ორივე გუნდში ვითამაშე, ახლა კი “ბარსელონას” ელჩი ვარ. ეს საოცარი დაპირისპირება ხალხს დიდი ხანი ემახსოვრება.“-ამბობს ბრაზილიელი.



