ლუის ენრიკე: "მესისთვის, სუარესისთვის და ნეიმარისთვის თამაში არ სრულდება, თუ გოლი გატანილი სამივეს არ აქვს"
"ბარსელონას" მთავარმა მწვრთნელმა, ლუის ენრიკემ, "სოსიედადთან" მოგებული თამაშის (4:0) შემდეგ, ჟურნალისტებთან ისაუბრა. 45 წლის სპეციალისტმა განსაკუთრებული აქცენტი გუნდის შემტევ ტრიოზე გააკეთა, რომელმაც მეტოქეს 4 ბურთი გაუტანა.
"როგორც კი თამაშის ბედი გადაწყდება, სამივე მათგანს გატანა მოუნდება. მათთვის ეს ბუნებრივია. თუმცა, თამაშის დაწყებისას ყველაფერი სხვაგვარადაა. ისინი ერთმანეთს ძალიან კარგად უგებენ. როდესაც სამივე მათგანს გოლი გატანილი არ აქვს, მათთვის თამაში არ სრულდება.
ვერ ვგრძნობ, რომ საუკეთესო პერიოდი გვიდგას. გასულ სეზონში უკეთ ვთამაშობდით, თუმცა ახლაც კარგად გამოვიყურებით და ჩემთვის ესაა მნიშვნელოვანი. ეჭვგარეშეა, რომ გუნდი თავისი თამაშით კმაყოფილია. იმედი მაქვს, საუკეთესო წუთები წინ გვაქვს.
ჩვენი ფორმა მეტოქეებს აშინებს? ეს მათ უნდა ჰკითხოთ. მატჩიდან მატჩამდე უნდა ვიმოქმედოთ, რადგან ესპანეთის ჩემპიონატს დეკემბერში არავინ იგებს. ინტენსიური თვე დგება, რომელიც საინტერესო თამაშებით იქნება დატვირთული - პრიმერა, ესპანეთის თასი და მსოფლიოს საკლუბო ჩემპიონატი."
ამ სიახლეზე კომენტარები გათიშულია.
კომენტარები [ 18 ]