კატალონიის “ბარსელონასა” და ესპანეთის ეროვნული ნაკრების ლეგენდარული ფეხბურთელი, ჩავი ერნანდესი, რომელიც ამჟამად “ალ-სადის” ღირსებას იცავს, ფრენკ ლამპარდის კარიერის დასრულებას გამოეხმაურა.
“არ არსებობს ეჭვი იმის შესახებ, რომ ფრენკ ლამპარდი არის საკუთარი ეპოქის ერთ-ერთი საუკეთესო ნახევარმცველი. კარიერის პიკში მყოფ ფრენკს ნებისმიერი გუნდი ისურვებდა. იგი განსაკუთრებული ტალანტის მქონე ფეხბურთელია, რომელიც თავისი საქმის უზადო პრეოფესიონალიზმით გამოირჩევა.
გავა წლები და ლამპარდს გაიხსენებენ, როგორც ფეხბურთის ისტორიაში ერთ-ერთ საუკეთესო ნახევარმცველს. მხოლოდ მან იცის რას გააკეთებს მომავალში, მაგრამ ჩემი სურვილია იგი მწვრთნელად ვიხილო.” – განაცხადა ჩავიმ.
