მესისა და სუარესის დუეტი წამყვან ჩემპიონატთა შორის საუკეთესოა

კატალონიის “ბარსელონას” ფორვარდების, ლიონელ მესისა და ლუის სუარესის დუეტი მიმდინარე სეზონში ევროპის 5 წამყვან ჩემპიონატს შორის საუკეთესოა.

Marca-ს თანახმად, ლა ლიგის მიმდინარე გათამაშებაში არგენტინელმა და ურუგვაელმა მეტოქის კარი 28-ჯერ აიღეს – თითოეულმა მათგანმა 14 გოლის გატანა შეძლო. მათი ყველაზე ახლო მდევრები ედინსონ კავანი და ლუკას მოურა არიან “პარი სენ-ჟერმენიდან” (24).

“ბარსელონას” მუდმივი ანტაგონისტის, მადრიდის “რეალის” ლიდერების, რონალდუსა და კარიმ ბენზემას ანგარიშზე საერთო ჯამში 16 გოლია.