რამდენი ადამიანი სტუმრობს “ბარსელონას” ოფიციალურ ვებგვერდს?

ცოტა ხნის წინ, UEFA-ს წლიური მარკეტინგული კვლევის შედეგები გამოქვეყნდა, რომელიც საფეხბურთო კლუბების ოფიციალური ვებგვერდების ანალიზსაც ითვალისწინებდა.

მონაცემები დათვლილია 2016 წლის იანვრიდან ივნისამდე. დროის ამ მონაკვეთში, ყველაზე მეტი მომხმარებელი “მანჩესტერ იუნაიტედის” ვებგვერდს ჰყავდა – “წითელი ეშმაკების” საიტს თვეში 8.6 მილიონი ადამიანი სტუმრობდა.

შემდეგ მოდის “არსენალი” (8.5 მილიონი). სამეულში შევიდა კიდევ ერთი ინგლისური გუნდი, “ლივერპული” (7.7 მილიონი).

მეოთხე-მეხუთე ადგილებს ესპანური ფეხბურთის გრანდები, “რეალი” (7.2 მილიონი) და “ბარსელონა” (6.3 მილიონი) იკავებენ.

საუკეთესო ოცეულში ასევე შევიდნენ: “ფენერბაჰჩე” (3.3), “ჩელსი” (3.2), კიევის “დინამო” (3.1), “ბაიერნი” (2.9), “დორტმუნდი” (2.7), “ალ აჰლი” (2.6), პსჟ (2.6), “ლესტერი” (1.9), “ტოტენჰემი” (1.8), “მარსელი” (1.8), “სან პაულუ” (1.75), “სიტი” (1.7), “ზენიტი” (1.6), “გალათასარაი” (1.6), “იუვენტუსი” (1.5).