მასკერანო:"როდესაც მესი ფორმაშია, სხვა ფეხბურთელები მოტივირებულნი არიან"

"ბარსელონას" ნახევარმცველმა ხავიერ მასკერანომ განაცხადა, რომ ლიონელ მესი კლუბში გადამწყვეტ როლს თამაშობს. 
"როდესაც ლეო ფორმაშია, მთელი გუნდი ძლიერდება. ჩემი აზრით, მესი თანაგუნდელებს მოტივაციას აძლევს. არგენტინელმა სეზონი ძალიან კარგად დაიწყო და ახლაც არაფერი დაეწუნება. ვიმედოვნებ, რომ წელს ძალიან კარგად დავასრულებთ."
შეგახსენებთ, რომ პრიმერას მიმდინარე გათამაშებაში, არგენტინელის ანგარიშზე 23 გოლი და 12 საგოლე გადაცემაა.