კატალონიის “ბარსელონას” და არგენტინის ეროვნული ნაკრების ლიდერმა, ლიონელ მესიმ განაცხადა, რომ გასული წლის მსოფლიო ჩემპიონატის ფინალში გერმანიასთან მარცხი მას და მის თანაგუნდელებს არასოდეს დაავიწყდებათ. შეგახსენებთ, რომ ფინალში შეხვედრის გმირი მარიო გიოტცე გახდა, რომელმაც გადამწყვეტი გოლი დამატებით დროში გაიტანა.
“რისი თქმა შეიძლება, სამწუხაროა, რომ ჩვენ ძალიან ბევრი კარგი მომენტი გვქონდა, მაგრამ მაინც ვერ გავიმარჯვეთ. ჩვენ ცხოვრების ბოლომდე ვინანებთ, რომ ვერ მოვახერხეთ პირველი გატანა.” – ციტირებს მესის სიტყვებს, ფიფას ოფიციალური საიტი.
