“ბარსელონას” საკალათბურთო ნაკრებმა ესპანეთის ჩემპიონატი ისტორიაში მეთვრამეტედ მოიგო. ეს მას შემდეგ მოხდა, რაც კატალონიელებმა მადრიდის “რეალი” ფინალურ სერიაში ანგარიშით 3:1 დაამარცხეს.
ხავიერ პასკუალის გუნდმა, 19 ივნისს, “რეალი” მადრიდში ანგარიშით 98:93 დაამარცხა. ესპანეთის დედაქალაქში გამართული მე-2 თამაში მასპინძლებმა 87:78 მოიგეს. 24 ივნისს, ბარსელონაში, კატალონიელებმა მეტოქეს 94:79 სძლიეს, ხოლო დღეს, მათ 83:81 იმარჯვეს და საერთო ჯამში 3:1 მოიგეს.
ბოლო თამაშის ყველაზე შედეგიანი მოთამაშე ანტე ტომიჩი იყო, რომლის ანგარიშზე 22 ქულა და 9 მოხსნაა. ფინალური სერიის საუკეთესო კალათბურთელად კი 34 წლის ხუან კარლოს ნავარო დასახელდა, რომელმაც ჩემპიონობა მერვედ იზეიმა.
