“ბარსელონასა” და ესპანეთის ეროვნული ნაკრების ცენტრალური მცველი ჟერარდ პიკე კატალონიურ კლუბთან ახალი კონტრაქტის გაფორმებასთან ახლოსაა.
უკვე ხვალ, ფეხბურთელმა, შესაძლოა, თავისი კონტრაქტი “ლურჯ-ბროწეულისფერებთან” 2018 წლამდე გაახანგრძლივოს. ამ ხელშეკრულებაში იქნება ოფცია მისი კიდევ რამდენიმე წლით გახანგრძლივების შესაძლებლობაზე. ესპანელი მცველის ახალი კონტრაქტის ფინანსური პირობები არ ვრცელდება.
პიკე “ბარსელონაში” 2008 წლიდან გამოდის. ამ დროის განმავლობაში, მან 2-ჯერ მოიგო ჩემპიონთა ლიგა, 4-ჯერ ესპანეთის ჩემპიონატი. ესპანეთის ეროვნული ნაკრების შემადგენლობაში ის მსოფლიოსა და ევროპის ჩემპიონი გახდა.
მიმდინარე სეზონში, პიკემ ესპანეთის ჩემპიონატში 25 მატჩი ჩაატარა და გაიტანა 2 გოლი.
