შანსი ახალგაზრდებს

ჩავის სადებიუტო მატჩმა ერთი შეხედვით, დაგვანახა, რომ ესპანელი სპეციალისტი ახალგაზრდა ფეხბურთელების მომზადებას დიდ დროს დაუთმობს.

ამის მანიშნებელია ისიც, რომ გუშინდელი მატჩის სასტარტო შემადგენლობაში მყოფი 11 ფეხბურთელიდან, 8 მოთამაშე “ლა მასიადან” მოდის.

ეს ფეხბურთელები იყვნენ: ოსკარ მინგესა, ჟერარდ პიკე, ერიკ გარსია, ჟორდი ალბა, სერხიო ბუსკეტსი, ნიკო, გავი და ილიას აკომაში.

ასევე, არ უნდა დაგვავიწყდეს, რომ შეხვედრის მიმდინარეობისას ჩავიმ მოედანზე სხვა ახალგაზრდა მოთამშეებიც გამოიყვანა: აბდე, რიკი პუჩი, რონალდ არაუხო და იუსუფ დემირი.

მთლიანობაში გამოვიდა, რომ ლა ლიგის მე-14 ტურში მოედანზე 10 “ლა მასიელი” ვიხილეთ, და, ამასთან, ბუსკეტსის, პიკესა და ალბას გარდა, დანარჩენთა ასაკი 22 წლამდეა.

• აკომაში (17 წლის),
• გავი (17 წლის),
• ნოკო და აბდე (19წლის ),
• გარსია (20 წლის),
• რიკი პუჩი და მინგესა (22 წლის).
• არაუხო (22 წლის) (მიუხედავად იმისა, რომ “ლა მასიას” განათლება არ აქვს, ის “ბარსა ბ-ში” 2 სეზონი თამაშობდა)
• დემირი (18 წლის).

შესაბამისად, სავარაუდოა, რომ ჩავი ერნანდესის “ბარსელონაში” წამყვანი როლი კვლავ აკადემიელებს ექნებათ.