როგორც ცნობილია, ლონდონის “ჩელსისა” და ბრაზილიის ეროვნული ნაკრების ცენტრალური მცველი უახლოეს ზაფხულში სამუშაო ადგილის შეცვლას გეგმავს.
Agência News-ის ინფორმაციით, 27 წლის მოთამაშე “ბარსელონას” ხელმძღვანელობასთან მომავალი კონტრაქტის დეტალებს უკვე განიხილავს, რის შემდეგაც მხარეები შეთანხმებას მიაღწევენ.
წყაროს თანახმად, დავიდ ლუისის ხელშეკრულება კატალონიელებთან 2019 წლამდე იქნება ძალაში და იგი ყოველწლიურად 5.5 მილიონ ევროს მიიღებს. სავარაუდოდ, ლონდონელები ბრაზილიელის სანაცვლოდ 25 მილიონ ევროს მიიღებენ.
აქვე გეტყვით იმასაც, რომ ლუისი “ჩელსის” ღირსებას 2011 წლიდან იცავს. ევროპაში კი იგი პირველად 2007 წელს გამოჩნდა, როდესაც ლისაბონის “ბენფიკას” შემადგენლობაში ჩაირიცხა.
