ბარსელონამ საკუთარი ოსკარის გამარჯვებულები გამოავლინა

გულშემატკივართა გამოკითხვის შედეგად, “ბარსელონამ” საკუთარი ოსკარი გამარჯვებულები გამოავლინა შემდეგ კატეგორიებში: საუკეთესო დრამა (გოლი ბოლო წუთებზე), საუკეთესო პერფორმანსი, ფეხებს შორის საუკეთესო გატარება, საუკეთესო ჩაცმულობა და საუკეთესო სეივი.

საუკეთესო დრამა (გოლი ბოლო წუთებზე) – სერჟი რობერტო 🆚️  პსჟ

ყველაზე მაგიური ქამბექი “ბარსას” ისტორიაში და ბოლო, მეექვსე გოლის ავტორი სერჟი რობერტო – აღნიშნული კატეგორიის გამარჯვებული სწორედ ეს უკანასკნელია. დრო თითქმის დამთავრებული იყო, როცა კატალონიელებმა მე-6 გოლი გაიტანეს და “პარი სენ-ჟერმენი” გააგდეს.

ნომინანტები იყო: ინიესტას გოლი “ჩელსისთან” (2009), პედროს გოლი მსოფლიოს საკლუბო ჩემპიონატზე “ესტუდიანტესის” წინააღმდეგ (2009) და პიკეს გოლი “სევილიას” კარში (გასულ სეზონში, კოპა დელ რეიზე).

საუკეთესო პერფორმანსი – ქამბექი პარი სენ-ჟერმენის წინააღმდეგ

ისევ ეს მატჩი, 2017 წლის 8 მარტს გამართული ეპიკური დაპირისპირება, რომელიც ნომინაციის გამარჯვებული გახდა.

ამ მატჩს შემდეგი კონკურენტები ჰყავდა: 6-2 “ბერნაბეუზე”, 5-0 “რეალთან” “კამპ ნოუზე” და 3-1 “მანჩესტერ იუნაიტედის” წინააღმდეგ 2011 წლის ჩემპიონთა ლიგის ფინალში. 

ფეხებს შორის საუკეთესო გატარება – მესი 🆚️ მილნერი

ლეო მესის მიერ ჯეიმს მილნერისთვის ფეხებს შორის გატარება, რომელიც “მანჩესტერ სიტისთან” 3-1 მოგებული შეხვედრის 37-ე წუთზე მოხდა, ძალიან ცნობილი მომენტია. არგენტინელი მეტოქეს რამდენიმე წამის განმავლობაში ელოდებოდა, შემდეგ კი ინგლისელს ბურთი მარცხენა ფეხით მარტივად გაუძვრინა.

ნომინირებული ასევე იყო: მესი 🆚️ სპაჰიჩი (“სევილიას” ფეხბურთელი, 2012 წელი), ჩავი 🆚️ გუარდადო (2012-13 წლების სეზონში “ვალენსიასთან” 5-1 მოგებულ მატჩში), სუარესი 🆚️ დავიდ ლუისი (პსჟ-ის წინააღმდეგ 3-1 მოგებულ შეხვედრაში).

საუკეთესო ჩაცმულობა – ლეო მესი

ამ ნომინაციაში ყველაზე მეტი ხმა “ლა პულგამ” მიიღო. მას კონკურენციას დანი ალვესი, მემფისი და ანსუ ფატი უწევდნენ.

საუკეთესო სეივი – ტერ შტეგენი 🆚️ ლევანდოვსკი (2015)

2015 წლის 12 მაისი, მიუნხენი. “ბარსელონამ” “ბაიერნს” პირველი მატჩი “კამპ ნოუზე” 3-0 მოუგო, განმეორებითი შეხვედრის გამართვა კი გერმანიაში უწევდა. ერთ-ერთ ეპიზოდში ტერ შტეგენმა რობერტ ლევანდოვსკის საოცარი ბურთი აუღო, რაც ყველა ქომაგს კარგად ახსოვს. საბოლოოდ, ამ სეზონში “ბარსამ” ჩემპიონთა ლიგა მოიგო.

ტერ შტეგენის სეივის გარდა, ნომინირებული იყო: ვალდესი 🆚️ ანრი (2006 წლის ჩემპიონთა ლიგის ფინალი), ვალდესი 🆚️ დროგბა (2009), ტერ შტეგენი 🆚️ დიბალა (2017, ტურინში).